Tweets Favorite Kerne Ke Fyday Aur Nuqsanaat

by November 6, 2013 0 comments
Agar aap nahin chahtay k doosron ki tweets ko zyada RTs milain, aur aap Twitter ki timeline hi dekhte reh jayen tou aap yaqeenan doosron ki tweets ko favorite ker k chhor dete hain. Aap baray hi chhotay dil aur kuttay dimagh k hain. (naraz mat hon, ye aik tarah se aap ki tareef hai). Tweets favorite kerne k bohot se faiday aur nuqsanaat hain, jin per aaj mobile ki roshni daalnay ki koshish krun ga kyun k light tou hai nahi. 


Fyday:

  • Doosron ki tweets ka record save ho jata hai ta k unko baad main ganda kiya ja sakay.
  • Agar aap k followers 4 digits main hain tou kuch interactions ki bhooki larkiyan ek Fav se impress ho ker follow ker leti hain.
  • Muft ka interaction bhi ho jata hai aur aap ka kuch jata bhi nahi. 
  • Aap k dimagh main koi tweet nahi aa rahi lekin aap attention seeker bhi hain tou doosron ki tweets fav ker ker ker ker ker k unko apni taraf mutwajja ker sakte hain k baji main bhi hoon Twitter pe. 
  • Sab se khatarnaak fyda ye hai k aap doosron ki Convos ki twees fav ker k unko bina kuch kahay bol saktay hain k “oye shabbiray… sab dekh raha hoon main, chal laga reh.”

Nuqsanaat:

  • Aap ko pata bhi nahi hota aur aap ko galiyan par rai hoti hain, subtweets main.
  • Log aap ki tweets bhi RT nahi krainge chahay aap ne 3 din bathroom k lotay main pani bhartay hi kyun na sochi ho.
  • Tweets RT se zyada Favorite kerne walon ko usually bara koi sarrial samjha jata hai, agar aap waqai sarrial hain tou phir aap tension na lain aap ka kuch nahi ho sakta. Kyun k aap sarrial hain.
  • Aap jo marzi ker lain, jitni marzi brightness barha ker DPs change ker lain. Doosray Twitteratis k dimagh main aap ki aik shakal aik RT chor ki hi hogi. 
  • Agar aap doosron ki convos main se tweets “hehehehe” kerte hue favorite kerte hain, tou kisi din namaloom afrad se aap ki phainti bhi lag sakti hai, bhai jan sab kuch Twitter pe hi nai hota.

Mazeed koi hukm?
Main Twitter pe bhi hota hoon. 
@aey k naam se.

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.