Direct Message (DM) Kerne Ke Sunehri Usool

by September 28, 2013 0 comments


Pehli baat tou ye hai k aap ko aisi konsi aakhir aai hoi hai k aap ye rules parh rahay hain? Agar parh hi rahay hain tou zaroor aap ko bhi koi DM ka keera kaat chuka hai. Kher aaj kal kaafi DM chats expose hote rehti hain aur kafi log bad-duayen dete rehte hain expose kerne walon ko. Un tootay hue dukhi dilon ki awaz ban ker aaj ye DM rules likh raha hoon. Ta k un chhapa maar kaarvaiyon se mehfooz raha ja sakay. Chalain rules perh lain.

Rule no. 1:
Bhai tweet pe hi jitni kasar nikalti hai nikaal lo, poori koshish rakho k baat DM tak na jaye.
Rule no. 2:
Agar zyada hi halchal machi hoi hai, tou DM main salam dua se koi farq nahi perta.
Rule no. 3:
DM main phone number aur whatsapp ka poochne se pehle uss bandi ka previous record dekh lo k uss ne pehle kitne screen shots tweet kiay hain.
Rule no. 4:
DM main kabhi bhool k bhi gandi baat na karo, kyun ke account hack hone k bahanay per tou ab Orkut walay bhi jarmana ker dete hain.
Rule no. 5:
Agar “ghalti” se aap ghalti ker chukay hai, aur 2, 3 mins baad ehsaas-e-nadamat main hain tou forun message delete ker dain. Yaqeen maaniye, issi main aapka fyda hai.
Rule no. 6:
Uncle hazraat DM se perhaiz krain, aap ko mohallay ka mochi nahi poochta, 3000 followers rakhne walay Twitter ki pinky kya poochay gi. 
Muft Mashwara:
Jin larkiyon ne apni bio main likha hota hai “DMs are not allowed”, sab se zyada batain DM pe wohi kerti hoti hain. 

Apni tweets main yaad rakhiye ga.
Aap ka chahnay wala,
@aey

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.